මම කියවපු පොත්

1866 දී මහා ලේඛක ලියෝ තොල්ස්තෝයි විසින් රචිත " ක්‍රොයිට්සර් සොනටා " නම් මෙම කෙටි නවකතාව සිරිල් සී. පෙරේර මැතිතුමා විසින් පෙමතො ජායති සොකො නමින් සිංහලට පරිවර්තනය කර ඇත...දැඩි සිත් වේදනාවට හා දුකට පත් සැමියෙකු විසින් තම බිරිද ඝාතනය කිරීම, පාපොච්චාරනයක් ලෙසින් ගලා යන මේ ශෝකාන්තය ප්‍රේමය මත ගොඩනැගුනු අඹූසැමි සම්බන්ධතාවයක් ශෝකය, බිය ,සැක,වෛරය,ද්වේෂය තුලින් ගොස් මරණයකින් කෙලවරවන සංවේගජනක කතාවකි.

" සිදු වූ සියල්ල මට අවබෝධ කරගත හැකි වුයේ මිනී පෙට්ටියෙහි තැන්පත් කර තිබුණු ඇගේ මෘතදේහය දුටු පසුවයි..මා කල විනාශය මට අන්තිමේදී තේරුම් ගන්න පුළුවන් වුණා..ඈ මරා දමන ලද්දේ මා බවත් , වරක් ප්‍රාණවත්ව සිටි ,ක්‍රියාශීලිව සිටි ඈ මරා දමන ලද්දේ මා බවත් ,ඈ ඉටියෙන් කල දෙයක් මෙන් නිශ්චලව , අයිස් කදක් මෙන් සීතලට වැතිරී සිටින්නේ මා නිසා බවත් , මගෙන් අතින් සිදු වූ මේ වරද කිසිවකුට කවදා වත් , කොතැනකදී වත් ,නිවැරදි කළ නොහැකි බවත් මා අවබෝධ කළේ ඇගේ මියගිය මුහුණ දුටු පසුවයි..ඈ සමග ජීවත් වූ කෙනෙකුට හැර අන් කිසිවකුට මේ කිසිවක් තේරුම් ගන්න බැහැ. "

ලස්සන කතාවක්.

"රෝස්" නමින් මෙසේ එළිදැක්වී ඇත්තේ බ්‍රිතාන්‍ය ලේඛිකාවක වූ Holly Webb ගේ Rose නැමති කෘතියයි...අනාථ නිවාසයක හැදී වැඩුණු රෝස් නම් දැරියකගේ කතාව මෙයට ඇතුලත්ය...රෝස් විශ්වාස කළ නොහැකි අන්දමේ මායා බලයක් සහිත දැරියක වුවාය...නමුත් ඈ ඒ බව දැනගන්නේ අනාථ නිවාසයෙන් පිට වී ධනවත් මැජික් ශිල්පියෙකුට අයත් නිවසක මෙහෙකාර සේවය සදහා නික්ම ගිය පසුව ය...අලුත් නවාතැනේදී ඇයට අලුත් යාළුවන් රැසක් මුණගැසුනත් ඇය සමග අනාථ නිවාසයේ සිටි හොදම යාලුවෙක් අතුරුදහන් වෙයි...ඇය සොයා යාමට අදිටන් කර ගන්නා රෝස්ට ලන්ඩන් නගරය පුරාවට අතුරුදහන් වන තවත් ළමයින් සොයා යෑමට සිදු වේ.

රෝස් සතුවූ අපුරු මායා බලයක් ගැන කියවෙන සුරංගනා කතාවක් බදු වූ මේ කෘතිය කුඩා දරුවන්ට මෙන්ම වැඩිහිටියන්ටද මහත් ආශ්වාදයක් ලබාදෙන නිර්මාණශීලි කතාවක් ලෙස හැදින්විය හැකිය.

මේ කෘතිය ලෝක පූජිත සටන්කරුවකු, සටන් නළුවකු මෙන් ම සටන් කලා ගුරුවරයකු වූ බෲස් ලීගේ ජීවිතය හා බැඳුණු සත්‍ය සිදුවීම් අලලා ගෙතුණු වෘතාන්තයයි...1940 වසරේ නොවැම්බර් මස 27 වන දින  හොංකෙං යුවළකට දාව අමෙරිකාවේ කැලිෆෝනියාවේ රෝහලක උපන් බෲස් ලීගේ වසර 32 කට සීමා වූ කෙටි ජීවන ගමන් මග විභාග කොට බැලීමක් වන මෙම කෘතිය ,අපට වැදගත් වෙන්නේ හුදෙක් ඔහු ප්‍රවීණ සටන් ශිල්පියෙක් වූ නිසාම පමණක් නොවේ...ඒ ඔහුගේ ගමන් මග විල්ලුද පලස්‌ හෝ බුමුතුරුණු මත ආ සුව පහසු ගමනක්‌ නොවන නිසාත් සටන් ශිල්පය ප්‍රගුණ කර ගැනීමට ඔහු තුල වූ අප්‍රිතිහත ධෛර්යයත් ,එය නිසියාකාරව ග්‍රහණය කරගැනීමත් ,එය නැවත නැවත පුහුණු වීම තුලින් එම ශිල්පයේ විශිෂ්ඨයෙකු වීමත් තුලින් අප හට ලබාදෙන මහගු ආදර්ශය නිසාය...බෲස් ලී ,පොරකුකුලෙක් මෙන් කොතෙකුත් රණ්ඩු වලට පැටලුණු " නොම්මර එකේ ගණන්කාරයකු " නොව ,සටන් ශිල්පය පිළිබධ බොහෝ තොරතුරු පසුපස හඹා ගිය උගතෙකු ,පරේෂකයෙකු ,බොහෝ පොත පත කියවූ පොත් රැස් කර තබා ගනිමින් තමාගේම පුස්තකාලයක් ගොඩනගාගත් කලාකරුවෙකු, දයාබර සැමියෙකු මෙන් ම ආදරණීය පියෙකු බව මේ ග්‍රන්ථය පෙන්වා දෙයි

" එන්ටර් ද ඩ්‍රැගන් " පසු තලයේ අතිරේක නළුවන් සිය ගණනක් සිටියා..ඒ අය සටන් කාමීන් නොවෙයි..සෝබන කාරයින් ලින්ඩා ලී කියයි..මේ එක් අයෙක් බෲස් ලීට අභියෝග කලා..එයා නිතරම බෲස් ලීව හෙළා දකිමින් කථා කරන්න පටන් ගත්තා.." තමුසේ ඔය කයිවාරු ගහන දේ ඇත්තටම කරන්න පුළුවන් දේවල් නොවෙයි.." ඔහු කී අතර බෲස් ලී නිතරම මිනිහා මග අරිමින් කටයුතු කළා.." තමුසේ කොහොම හිතුවත් මට කමක් නැහැ.." අවසානයේ බෲස් ලී කීවා..

මේ මිනිහා දිහින් දිහටම බෲස් ලී ට අවමන් කළා..එක දවසක් බෲස් ලී නරක මුඩ් එක්ක ඉන්න විට මේ හාදයා මොකක්ද කිව්වා..බෲස් ලීටත් ඉක්මනට කේන්ති යන ගතියක් තිබුණා..බෲස් ලී අත දිග හැරිය විතරයි........."

හරිම ලස්සන සංවේදී ආදර කතාවක්

ගොඩක් කාලෙක ඉදල බලන් හිටියා මුරකාමි ගේ ජනප්‍රියම නවකතාව වන Norwegian Wood කියවන්න..ඔන්න එකේ සිංහල පරිවර්තනය නිකුත් වෙලා..මුරකාමිගේ පොත් වලට ආදරය කරන යාළුවන්ට මේක හොද පණිවිඩයක් වේවි..ඒ වගේම මුරකාමි ගේ පොත් කියවල නැති යාලුවන්ටත් මේ පොත අපුරු අත්දැකීමක් වේවි...

අන්තර්ජාතික ප්‍රසාදයට පත්වූ ජපන් ජාතික ලේඛක හරුකි මුරකාමි ගේ ආකර්ෂණිය එමෙන්ම ශෝකාත්මක ප්‍රථම රචනය වන මෙය , ටෝරු නම් වූ ස්වභාව ධර්මයද ඉක්මවා යන නිහඩ ගති පැවතුම් ඇති විශ්ව විද්‍යාල ශිෂ්‍යයෙකුගේ ,තම ප්‍රේමවන්තයා වූ කිසුකිගේ අකල් මරණය නිසා අන්තරාන්වේෂි හැගීමෙන් දුක් වන රූමත් නයෝකෝගේද කතාවයි....

" ඊයේ රෑ මම බෙල් එක ගහනවා ඔහේට ඇහුනද ? " තමාට උදැසන ආහාර වේල පිළිගන්වමින් සිටි තානායමේ ගැහැණියගෙන් ඔහු ඇසුවේය..." මට අර කෙල්ලට දීපු බෙහෙත් ඕන උනා ..මට එයා වගේම නිදාගන්න ඕන උනා..."

" ඒකට නම් ඉඩ ලැබෙන්නේ නෑ...වයසක මිනිස්සුන්ට ඒ බෙහෙත් අනතුරුදායකයි..."