මම කියවපු පොත්

චිත්‍රශිල්පය , ලෝ ප්‍රකට චිත්‍රශිල්පීන් හා ලෝ ප්‍රකට සිතුවම් පිළිබදවද සාකච්ඡා කරන මෙම නවකතාව , ඉතා අභිරහස් ලෙස මහවැලියේ ගිලී මියගිය ජාත්‍යන්තර කීර්තියට පත්වූ ගිරිදේව නම් චිත්‍රශිල්පියාගේ ජීවිතය හා බැදුණු ,භද්‍ර අභද්‍ර සිදුවීම් ගැබ්කොට ගත් අනුවේදනීය පුවතක් ගෙන එයි...හොද කොමියුනිස්ට්වාදියෙකුගේ හා ලෝක සෞඛ්‍ය සංවිධානයේ සේවය කළ වෛද්‍ය විශේෂඥයෙකුගේ ජීවිත සටහන්ද මෙම නවකතාව හා බැදී පවතී...එමගින් මෙරට වාමාංශික ව්‍යාපාරයේ ශෝකජනක පරිහානියද වර්තමාන මැදපන්තියේ ඛේදවාචකයද පෙන්නුම් කෙරේ...බ්‍රේස්ගර්ඩ්ල් සිද්ධිය හා මෑතකාලීන ශ්‍රී ලංකාවේ දේශපාලන නිරූපණය කරන එය,බෙදුම්වාදී යුද්ධය වක්‍රාකාරයෙන් පවුල් ජීවිත වලට බිදී විසිරී යාමට හේතු වූ ආකාරය මෙන්ම ,විශිෂ්ට රූ ඇති ස්ත්‍රීන්ට ශිල්ප දීපියා පරදාර කර්මයේ හැසිරෙන සරසවි ඇදුරන් ගැනද කියයි..

දුම්බර මිටියාවත උඩරට තේ වතුකරය,මැරේකැලේ වන අරණ මෙන්ම විවිධ රට රාජ්‍යවලටද පාඨකයා ගෙන යන මෙම නවකතාව මගින්ද කතුවරයා සිංහල නවකතාවේ ආඛ්‍යාන රටාවේ නවමු වෙනසක් සිදුකොට ඇත...මෙම නවකතාකරුවාට සුවිශේෂ වන්නාවූ සම්භාව්‍ය සිංහල සහිත්‍යයෙන් ලබන නොමද අනුප්‍රාණය නවකතාව පුරා දැකිය හැකි වන්නේය...චිත්‍රශිල්පීන් හා චිත්‍ර පදනම් කොටගෙන ලියැවුණු නවකතා රාශියක් ලෝක සාහිත්‍යට උරුම වී තිබේ..." බණ්ඩර මැරූ උන් " නවකතාවද ඒ අතරට එක් වෙයි...

( කෘතියේ පසුවදන )