මම කියවපු පොත්

කාලෙකට පස්සේ කියවපු හොදම පොතක්..සන්තියාගෝ නම් සැරිසරන්නා (The Alchemist)..මේක ලියලා තියෙන්නේ පවුලෝ කොය්යෝ කියන බ්‍රසීල ජාතික ලේඛකයා..පරිවර්තනය කරලා තියෙන්නේ චූලානන්ද සමරනායක මහත්මයා..පොතෙන් කියවෙන්නේ හීනයක් පස්සේ ඇවිදන් යන බැටළුවන් බලාගන්න එඩේර කොල්ලෙක් ගැන..කොල්ලගේ නම " සන්තියාගෝ"..මේ කොල්ලට පුදුම පිස්සුවක් තියනවා..ඒ තමයි ලෝකේ වටේ රවුම් ගහන්න..ඒ හින්දම තමයි ඉගැනිමත් අතර මග නතර කරලා බැටළුවොත් එක්ක රෝන්දේ යන්නේ..කොල්ලගේ ජීවිතේ සම්පුර්නයෙන්ම වෙනස් වෙන්නේ ඊජිප්තුවෙ තියන නිධානයක් ගැන පිට පිට දෙවතාවක්ම දකින හීනයක් හින්ද..හීනේ අමතක කරලා සාමාන්‍ය ජීවිතයක් ගත කරන්න කොච්චර උත්සාහ කලත් ඔහුට එක කරන්න ලැබෙන්නේ නෑ..මොකද ඔහුට හමුවන අපුරු පුද්ගලයෝයි, නිමිතියි තමන්ගේ හීනේ පසු පසු හබා යන්න මේ කොලුවව පොලබවන හින්ද..ඉතින් නොයෙකුත් දුෂ්කරතා මැද්දේ තමන්ගේ සිහිනය පසු පස හබා ගිය මේ කොලුවට අවසානයේදී තමාගේ ඒ අපුරු සිහිනය සැබෑ කරගන්න ලැබෙනවා..

බැලු බැල්මට සරල වීර කතාවක් වගේ පෙනුනට පොත කියෙව්වාම එහෙම හිතෙන්නේ නෑ...පොතේ තියෙන හැම වචනෙකම වගේ ලොකු තේරුමක්, ජීවිතේට පාඩමක් හැංගිලා තියෙනවා කියලා මං කීවොත්, මං හිතන්නේ මේ පොත කියවලා තියෙන බොහෝ දෙනෙක් එයට එකඟ වේවි..සිහින පසු පසු ලුහුබැද යාමේ අසිරිය වගේම දිවි මගෙහි හමුවන දහසකුත් එකක් නිමිති නිවැරදිව වටහා ගැනීමේ අවශ්‍යතාවයත් , මනුෂ්‍යත්වය තුල ගැබ්ව ඇති ප්‍රබලත්වය හා දුබලකම් ද මේ කෘතිය මහින් මතු කරනු ලබයි..සරල විදිහට කිව්වොත් අපි හැමෝගේම හිත්වල සැබෑ කර ගන්න අසාවෙන් ඉන්න ගොඩක් හීන හැංගිලා තියෙනවනේ..ඒවා සැබෑ කරගන්න බෑ කියලා කාට හරි කියන්න පුලුවන්ද ? බෑ කාටවත් කියන්න බෑ..මොකද...ජීවිතය සැබවින්ම සිහින පසුපස ලුහුබැද යන්නවුන්ට ත්‍යාගශීලි වන නිසා........!