" හෘද සාක්ෂියක අඳෝනාව " මේ සතියේ කියවල ඉවර කරපු තවත් හොද පරිවර්තනයක්..පොත ලියල තියෙන්නේ ජෝසප් කොන්රඩ් (Joseph Conrad) කියන පෝලන්ත ජාතික ලේඛකයා...පිටු 459 පුරාවට ගලායන මේ පොතේ තියෙන්නේ රුසියාවේ ජීවත් වුනු විප්ලවවාදීන් පිරිසක් වටා ගෙතුන කතන්දරයක්..කතා නායකයා ශාන්ත පීටර්ස්බර්ග් විශ්වවිද්යාලයේ දර්ශනය හදාරණ තෙවන වසරේ සිසුවෙක් වුණු කිරිලෝ සිදොරච්චි රසුමොව්..ඉතින් මේ රසුමොව් කියන දීප්තිමත් විශ්වවිද්‍යාල ශිෂ්‍යයගේ සාමකාමී ජීවන රටාව උඩුයටිකුරු කරන සිද්ධියක් එකපාරටම සිද්ධ වෙනවා...ඒ රුසියාවේ විශේෂ බලධාරී රාජ්‍ය ඇමති වරයෙක් බෝම්බ ප්‍රහාරයකින් ඝාතනය වීමත් සමගයි..මේ ඝාතනය සිදු කරන්නේ වෙන කවුරුත් නෙවෙයි , රසුමොව්ගේ විශ්වවිද්‍යාල මිතුරෙක් වෙන වික්ටර් හාල්ඩින්.බෝම්බ ප්‍රහාර එල්ල කරන හාල්ඩින් තාවකාලික රැකවරණයක් සොයාගෙන කෙලින්ම එන්නේ රසුමොව්ව හොයාගෙන..දැඩි විනය ගරුක පිළිවෙතක් අනුගමන කරන සිය සගයන් වෙනුවෙන් තමන්ගේ සැප පහසුවද නොතකා ඉදිරිමත් වීමට සුදානම්, ප්‍රියමනාප මේ රසුමොව් තරුණයා , හාල්ඩින්ගේ ආගමනයත් සමගම අනපේක්ෂිත ගැටළු රාශියකට මුහුණ දෙනවා..
විප්ලවාදීන් , කුමන්ත්‍රණකරුවන් ,රහස් ඔත්තුකරුවන් රාජ්‍ය නිළධාරීන් වැනි චරිත ප්‍රබලව සැරිසරන මෙකී කෘතිය විප්ලව සමයේ රුසියාවේ පැවති සමාජ අර්බුදය පාඨකයා ඉදිරියේ විදාරණය කෙරෙන අපුරු සාහිත්‍ය අත්දැකීමක් වශයෙන් හැදින්විය හැකිය...
0 comments:
Post a Comment